الرئيسية / طريقة التركيب
طريقة تركيب ألواح البولي كربونيت
التركيب الصح بيطوّل عمر اللوح وبيحافظ على شفافيته وضمانه. دي أهم القواعد للألواح المفرغة والمصمتة.
1
التخزين قبل التركيب
- خزّن الألواح نايمة على سطح مستوي، في مكان مقفول أو متغطي، بعيد عن الشمس والمطر.
- ما تحطش حاجة تقيلة فوقها، وما تغطيهاش بغطا غامق بيسخّن.
- سيب فيلم الحماية لحد التركيب.
2
وش الـ UV لفوق
- الوش اللي عليه فيلم مطبوع هو وش الـ UV، ولازم يبقى ناحية الشمس.
- شيل الفيلم مباشرة بعد التركيب. الفيلم لو قعد في الشمس بيلزق في اللوح.
3
اتجاه القنوات والميل
- في الألواح المفرغة، القنوات لازم تمشي مع اتجاه الميل (من فوق لتحت) عشان المية والرطوبة تنزل.
- خلّي ميل السقف حوالي 5 درجات على الأقل عشان المية ما تقفش.
- في الأسقف المقوّسة ما تعديش أقل نصف قطر انحناء للوح. اسألنا عليه حسب السماكة.
4
التمدد الحراري
- البولي كربونيت بيتمدد مع الحرارة حوالي 3 مم لكل متر، فلازم تسيب مسافة في البروفايلات والأطراف.
- اخرم الخروم أوسع من البرغي بحوالي 3 مم عشان اللوح يتحرك براحته.
- ما تخرمش قريب من الحرف. ابعد حوالي 4 سم.
5
التثبيت
- استخدم براغي بوردة مطاط (EPDM) واربطها من غير ما تضغط على اللوح لحد ما يتكسر أو ينبعج.
- البروفايلات الألومنيوم أو البولي كربونيت بتدي تثبيت أنضف وعزل أحسن.
- المسافة بين المدادات بتعتمد على السماكة والرياح والأحمال. ابعتلنا المقاسات ونقولك.
6
قفل أطراف الألواح المفرغة
- الطرف اللي فوق: شريط ألومنيوم مصمت يقفل القنوات من التراب والحشرات.
- الطرف اللي تحت: شريط مخرّم (Breather) عشان الرطوبة تخرج، وبعده بروفايل U.
- ما تسيبش القنوات مفتوحة من غير شريط.
7
التقطيع والسيليكون
- اقطع بصاروخ أو منشار دايري بسنون ناعمة، واسند اللوح كويس وقت القص.
- انفخ التراب من جوه القنوات بعد القص.
- استخدم سيليكون متعادل (Neutral) مناسب للبولي كربونيت. السيليكون الحمضي بيأثر على اللوح.
8
التنظيف والصيانة
- نضّف بمية وصابون خفيف وقماشة ناعمة.
- ما تستخدمش تنر أو أسيتون أو بنزين أو أي منظفات خشنة.
- ما تمشيش على الألواح مباشرة. حط ألواح خشب توزع الوزن.
دي إرشادات عامة. لكل مشروع ظروفه، فابعتلنا المقاسات والصور وفريقنا يساعدك تختار السماكة والتركيب المناسب.
اطلب عرض سعرإكسسوارات بولي كربونيت (H و U و Click) الأسئلة الشائعة
محتاج سعر لمشروعك؟
ابعتلنا المقاسات والسماكة والكمية على واتساب، ونرد عليك بعرض سعر في أسرع وقت.